Sunday, May 6, 2012

ඒ සරල බව ඔහුට සරල වෙද?


මග කොන පයිප්පය නැගිටියි ඔහු සමග
දිය ඉස පිසදමා නිවසේ දොර පියන ඇර
වහළක් නැති කාමරයේ ඇඳ අයින් කොට
සැරසෙයි අරඹනට දිවි දූවිලි තාර මැද

පේළි පෙට්ටි කඩවල මුල අරඹන්නේ
නිවසත් එයම තනි දිවියත් එහි වෙන්නේ
ඇඳ බංකුවකි වැරහැලි ඇඳ රෙදි වන්නේ
වැලකි කඩ වමත කඩමලු එල්ලෙන්නේ

මිනිසුන් පිරෙයි පොඩි පොඩි බඩු ටික ගන්න
අත මිට පිරෙයි යන්තම් හෙට ගතවන්න
ඉර ගිලෙයි කියමින් වසනට දොර පියන
යළි ඇඳ සැදෙයි විගසින් කෑ අහර පත

වෙන අරුතක් කොහි මෙහැර දිවි සරල
ලෙස වැටහෙන්නෙ දකිනා විට ඔහු මෙමට
නෑහිත මිතුරු අඹු දරුවන් නැත ගෙවන
ඇතිවෙද පලක් වූ පමණින් දිවි සරල