Tuesday, October 19, 2010

සමාවෙයං මට

සමාවෙයං මට
එදා රෑ පන්සලේදි දීපු උත්තරේට
මතකයි මට
නැහැ උඹට පුලුවන් වුනෙ දරාගන්න
කලුවරට උඹේ කදුලු නෑ දැක්කෙ
ඒත් මූණ පහලට එබෙනව දැක්ක
උඹ උන් තැන්ම වාඩි වෙනව දැක්ක
උඹෙයි වැරැද්ද
ආදරේ කියන්නෙ ලස්සන කියල හිතන් හිටපු කාලෙක
මගෙන් ආදරේ ඉල්ලුවට
දැනුනෙ නෑ උඹේ දුක
මම ඒක විදිනකන්
සිද්ද වෙලා ඉවරයි ඒක
කොහොමටත් මතක නෑ මට නුඹව
කොච්චර කාලයක් ගෙවුනද
තේරුම් ගන්න මට
වැඩියෙන් වටින්නෙ
තමන්ට ආදරේ කරන අය තමන් ආදරේ කරන අයට වඩා කියල
සාප කරන්න එපා කෙල්ලෙ මට
විදින දුක වැඩියි මම..
සමාවෙයං මට